劉浩龍（師兄）今（13日）日到新城電台接受訪問，並為新歌《沒人坐的梳化》宣傳，最近成立工作室榮升做老闆的他，叫大家改口不要稱他做老闆:「叫我社長，感覺冇咁銅臭味。」
師兄近日走訪不同電台宣傳新歌，他笑言感覺似拜年：「有啲人原來5、6年冇見，當係同大家打聲招呼，見嚇面，我唔止宣傳新歌，仲傾嚇有冇機會合作，我公司都有做演唱會、拍網大及短劇。」至於他之前透露公司會捧新人，師兄指要遇到合適才可，估計要三年後。身為社長的他笑指現時事事要親力親為，早上做藝人，晚上又要傾生意，有如打兩份工，不過都很享受。
因受疫情影響而延期，師兄原定在內地開的三場演唱會，現改為5、6月開在廣州、中山及佛山舉行，至於香港方面，他指要等Eric Kwok寫好歌先，預計11月開騷。他謂對上一次是在旺角麥花臣開騷，今次希望場有更大場地。
另外，提到他的舊愛容祖兒早前在美國被偷手袋，問到可有慰問對方？師兄說:「冇，我睇報道睇到，唔見嘢啫，最緊要人冇事，（在外地可有試過畀人偷嘢？）冇，我個人好整齊，唔好引人犯罪，我都冇名牌袋，只係得背囊。」
关键词： 劉浩龍榮榮升老闆宣傳新歌11月開騷 香港方面
营业执照公示信息